Неколку илјади граѓани се собраа на улицата Jордан Мијалков од каде почна протестниот марш на граѓанското здружение ГДОМ и нивните поддржувачи против аболицијата на Зоран Заев и Зоран Верушевски.
Пред почетокот на маршот се обратија актерот Тони Мухајлосски, аналитичарот Александар Пандов, поранешниот фудбалски репрезентативец Зоран Бошковски – Чоко.
– Се собравме тука, затоа што македонскот народ сака да им порача на оние кои што сакаат да не растурат дека, на власт може да се дојде само на демократски начин, преку избори – рече Михајловски, додавајќи дека никаде во светот не видел поубава земја, народ, јазик и песна.
#ГДОМ со обраќање пред почетокот на протестот pic.twitter.com/nNtZcPpgu8
— META.mk (@meta_agency) April 15, 2016
Пандов, пак парача дека трет ден по ред се собираат за да покажат дека протести можат да се организираат на мирен начин со ора, песни и ширење на љубов.
– После два дена неизвесност, денеска добивме убава вест дека изборите се закажани за 5 јуни, народот тогаш ќе го каже своето – рече Пандов.
Се чека стартот на маршот кон штабот на СДСМ каде #ГДОМ и приврзаниците ќе протестираат pic.twitter.com/MQoqxVp6xz
— META.mk (@meta_agency) April 15, 2016
Зоран Бошковски пред насобраните граѓани рече дека по осамостојувањето на Македонија, македонските спортисти и фудбалери гордо ги бранеле, ги бранат и ќе ги бранат боите на земјата.
По говорот на Бошковски, Пандов ги повика насобраните граѓани со мирен марш да се упатат кон седиштето на СДСМ.