Шефовите на дипломатиите на Европската Унија на состанок оваа недела дискутирале да стават македонски политичари на црната Шенген листа, што значи забрана за патувања, но конечна одлука уште не е донесена, пишува Фајненшл Tајмс.

Весникот наведува и дека Брисел размислува за овие санкции да ги воведе против раководството на ВМРО-ДПМНЕ, заедно со замрзнување на евроатлантските интеграции.

Овие закани со мерки се по примерот на првата фаза санкции што Европската Унија го донесе за украинскиот претседател Јанукович.

Ретроградни чекори  за Македонија вчера најави и еврокомесарот Јоханес Хан заедно со европратениците Ховит, Вајгл и Кукан по откажувањето на лидерската средба во Виена. Меѓутоа тие се уште се надеваат дека со заканата од санкции се уште може да се спаси Договорот од Пржино.  ./Телма