Британското МНР издаде препораки до сите граѓани на Велика Британија кои би патувале во Македонија, со предупредување дека има протести во Скопје и во другите градови поради политичката криза во Македонија.
„Можноста од натамошни протести непосредно пред изборите закажани за 5 јуни е многу висока; би требало да ги проверувате локалните медиуми и да ги избегнувате демонстрантите или големите собири.
Избегнувајте големи групи и имајте предвид дека возовите кои влегуваат во Македонија од Грција може да бидат откажани или да доцнат доколку постојат немири на грчко – македонската граница“, пишува во соопштението на Британски форин офис..
Британското МНР заклучува дека, сепак, најголем дел од патувањата во Македонија се без проблеми и дека земјава е со општ ризик од тероризам.