Комисијата за импичмент на Претседателот, Ѓорге Иванов утре почнува со работа, изјави претседателот на Комисијата, Зоран Илиоски.

Денеска ќе се одржат неколку состаноци на пратеничките групи за да се допрецизираат деталите.

Пратеничката Рената Дескоска од СДСМ вчера рече дека не е обезбедена соодветна застапеност на членовите во комсијата и дека донесената одлука ќе ја обжалат пред Управниот суд.

– Комисијата за импичмент треба да има претседател и 10 члена, со тоа што треба да биде обезбедена соодветна застапеност од пратеничките групи и од пратениците кои не се огранизирани во пратенички групи. Каква е таа соодветна застапеност, кога ВМРО-ДПМНЕ добива апсолутно мнозинство во Комисијата, а такво нема во Собранието. Согласно соодветната застапеност на пратеничката група на СДСМ, во Собранието ние треба да имаме 3 члена, а вие 5. Согласно вашето самоволие вие сте ни предложиле ние да имаме два члена, а вие шест. Тоа е комплетно незаконито – рече Дескоска.

Oваа ад-хок комисија има рок од 7 дена да поднесе извештај, по што Собранието има рок од 7 дена да закаже расправа за извештајот.