71
Либански бизнисмени се заинтересирани за соработка со македонски компании од областа на трговијата, индустријата и недвижностите, а не ја исклучуваат можноста и да инвестираат.
Ова денеска го истакна претседателот на Либанско-македонскиот совет на бизнисмени, Самир Суфан, во Стопанската комора на Македонија.
Нашите компании очекуваат дека преку соработка со трговските компании од Либан ќе успеат да го прошират извозот и во овој регион, кој е еден од најголемите пазари.
Претседавачот на собранието на Стопанската комора, Антони Пешев, посочи дека за реализирање на соработката моментално нема законски пречки.
Стопанската комора и Либанско-македонскиот совет на бизнисмени денеска потпишаа договор за соработка.