Адвокатите губат “пари и нерви”- бараат што поскоро да се најде решение за штрајкот на судската администрација

Адвокатската комора на Македонија апелира да се изнајде што поскоро решение за проблемите кои се причина за штрајкот на судската администрација бидејќи последици од неработењето на судовите трпат и адвокатите.

– Адвокатската комора на РМ ги поддржува напорите на двете страни за што поскоро изнаоѓање на прифатливо решение за проблемите коишто се причина за штрајкот. Со целосно почитување на законското право на штрајк, нагласуваме дека и адвокатите трпат последици од неработењето на судовите, што уште повеќе го изразува интересот на Адвокатската комора за што поскоро завршување на штрајкот, се наведува во соопштението./МИА