Колку и прекрасно јадење да направите, тоа е ништо без соодветен гарнир.
Во однос на ова сигурно е добра идеја да се свртиме кон зеленчукот и неговата специфична и посебна подготовка.
Денес ќе ви претставиме лесен и вкусен рецепт за моркови, кои се погодни истовремено за гарнир кон главно јадење или како нешто за јадење пред телевизорот.
Ќе ви бидат потребни:
¼ чаша маслиново масло
Уште 2 с.л. Маслиново масло
2 с. л. Бел вински оцет
1 со. л. Дижон сенф
1 со. л. Лук во прав
3 страка свежа мајчина душица
1 страк свеж рузмарин
1 килограм моркови, излупени
сол и бибер по вкус
Начин на приготвување:
Започнете со обработката на мајчина душица и рузмарин. Исечете ги на ситно и измешајте ги двата зачини.
Во соодветен сад, најдобро во тегла, истурете ¼ чаша маслиново масло, оцетот, сенфот, лукот, мајчина душица и рузмарин.
Додадете сол и бибер по вкус. Затворете го капачето на тегла и протресете енергично за 30 секунди, за да се измешаат добро состојките.
Започнете со морковите. Исечете ги на две половини и потоа секоја половинка на уште два дела.
Наредете ги во послужавник така што секое едно парче да не се допира до другите. Истурете со двете лажици маслиново масло и гледајте да биде рамномерно. Посипете ги морковите со сол и бибер по вкус.
Ставете во загреана рерна и печете додека добијат златен тен.
Извадете ги морковите и сипете ги во чинија. Посипете со претходно подготвениот прелив.