Во среда во 19 часот пред Специјалното јавно обвинителство ќе се одржи протест на „Шарената револуција“, најави граѓанското движење на својата страница на „Фејсбук“.
„Уставниот суд да се произнесе за уставноста на Специјалното јавно обвинителство и на тој начин да се овозможи да одговараат сите функционери кои преземале криминални дејствија. Ова го бараат граѓаните, заедниците и политичките фактори кои се борат за демократизација на Република Македонија. Заштитата на СЈО е гаранција дека ќе има правда во Македонија, но власта и Уставниот суд упорно се противат на волјата на граѓаните и подготвуваат опасен план за криминалот да продолжи да владее. Затоа, протестираме против овој режим! Протестираме за да има правда! Протестираме за одбрана на СЈО! Протестираме во среда, 6 јули, 19 часот, пред нашата тврдина – Специјалното јавно обвинителство! “, пишува во најавата за протестот.
(ВИДЕО) Комисија ќе ја оценува регуларноста на студентските избори
Последниот протест на „Шарената револуција“ се одржа во петокот на 27 јуни. Тогаш активистите побараа Уставниот суд да се произнесе за СЈО, како и граѓанскиот сектор да биде вклучен во преговорите.