Ако уживате во поховани пилешки прсти, но барате поздрава алтернатива на оние од местата за брза храна или на замрзнатите пилешки филеа за вас или децата, ние ќе ви понудиме такви.
Ви нудиме релативно лесен рецепт за крцкави, печени во рерна, пилешки гради.
Нивната тајна лежи во тоа што се маринирани претходно во вкусен сос. Времето за кое можете да ги приготвите овие филенца е околу 20 минути.
Потребни производи: 18-20 пилешки филети; 2 ½ чаша лебни трошки; сол и бибер по вкус; маслиново масло / масло.
За маринадата: 2 чаши полномасен јогурт;¼ чаша растително масло (маслиново масло / масло); 1 лажичка сушен лук, 1 лажичка ким, 1 лажица јаворов сируп, сол и бибер по вкус.
Сос за потопување: Измешајте една лажица мед со една лажица сенф, малку лајт мајонез и малку кечап.
Начин на приготвување:
Одмрзнете ги пилешките филенца и маринирајте ги со мешавина од јогурт, масло / маслиново масло, лук, мелен ким, јаворов сируп, сол и бибер по вкус. Ставете ги во кеса и оставете ги во фрижидер за еден час.
Потоа извадете ги од кесата и извалкајте го секое филе во лебни трошки и зачинете со сол и бибер по вкус или со било какви други зачини кои ги преферирате (лук во прав, магдонос, кромид во прав, црвен пипер, италијански зачини итн .).
Загрејте ја рерната на средно силен оган (180 степени), подредете ги филенцата во послужавник, може и врз хартија за печење, и оставете растојание помеѓу нив. Испрскајте го врвот со уште малку маслиново масло.
Печете ги во период од 15 минути. Послужете ги со сос.
