Ако еден маж мисли дека неговата работа му го уништува љубовниот живот, причината не е дека не станал модел заради недостаток на физички квалитети, туку дека не е завршил право. Токму правниците ја водат листата за најсексапилните машки професии, објави “Дејли мејл”.
Правничките сепак не ги возбудуваат толку машките фантазии. Женската листа ја раководи учителката. Следат заболекарките, логопедите, внатрешни архитектки, организаторките на настани. Правничките се на шестото место.
Традиционално сметаните сексапилни женски професии – на манекенките и стјуардесите, ги заземаат само 14-то и 15-то место – последните на листата. Пред нив се психолозите и музичарките.
Во средината се личните тренери и медицинските сестри. Новинарките се на 10-то место. Актерките воопшто не спаѓаат во рангирањето.
Кај мажите на второ место се актерите, на трето – креативните директори. Авионските стјуарди се на четврто место, а на петто – новинарите. На последно место на листата се готвачите.
Моделите и кај мажите се на претпоследното 14-то место. Архитектите се на 7-то место, а наставниците се на 9-то. Лекарите се едвај на 10-то место.
Рангирањето е направено според податоците од сајтот за средби Тиндер кој е најпопуларниот во Велика Британија.