48- годишниот Џими Кимел, се врати да биде домаќин по втор пат, на најголемата ноќ на телевизијата вчера, откако претходно беше домаќин пред 4 години.
Тој го започна шоуто со смешна монтажа на која настапуваат 80 поп ѕвезди, најпознатата полициска потера во историјата, и поранешен гувернер.
Емитувањето започна со снимка од бело “Bronco”, кое што всушност се покажа дека е возилото на O.J. Simpson, управувано од актерот Малколм Џамал- Ворнер. Кога сфати дека одат во погрешен правец, Кимел му кажа на возачот да сврти полукружно. Но, кога тој го одби, Џими му кажа да го запре возилото и излезе.
Тој не луташе долго, бидејќи се појавија актерите кои што играат во серијата “Modern family”, нудејќи му превоз во нивното мини-комбе. 
Откако мини-комбето беше онеспособено во несреќен инцидент, водителот Џејмс Корден, кој што исто така беше упатен кон Еми наградите, го собра Кимел со него.
Како што тргнаа, Корден ја пушти хит песната од 80- тите “Wake me up” од дуото “Wham”.
Во една сцена која што е сегмент од неговото популарно шоу “Carpool Karaoke”, Корден го убеди Кимел да запеат заедно, преминувајќи во друга сцена од парот, облечени како Џорџ Мајкл и Ендру Риџли за “римејк” на спотот од песната. Корден набргу се умори од пеењето на неговиот ТВ ривал, па му нареди да излезе од колата.
Кимел за кратко време влезе во вице- претседателската лимузина на Џулиа Луис- Дрејфус од серијата “Veep” , каде што беше изненаден да го најде поранешниот републикански претседател Џеб Буш, како шофер. Откако и тој ќе го избрка, Кимел клекнува на сред улица и се моли на Опра да интервенира, за да може да стигне на Еми наградите на време.
Голема сенка почнува да лебди на неговата глава како што се појавува “Daenerys” (Емилиа Кларк), од серијата “Game of Thrones” и го качува на нејзиниот змеј. Како што се приближуваат до местото на настанот, змејот испушта пламен и го “запржува” Рајан Сикраст.
Облечен во “Burberry” костим, Кимел излегува од пламенот и се појавува на сцената.