Доаѓа сезоната на настинките и кашлицата. Традиционалните лекови секогаш помагаат. Но, затоа пак природата се погрижила да ни го подари неопходното за надминување на овие тестови.
Можете да си направите домашен сируп за кашлица со кромид и мед , кој ќе ве ослободи од непријатната состојба и ќе ви го награди организмот со незаменливи корисни материи.
Кромидот има антимикробни својства. Тој е богат со витамини и има корисни сокови, кои влијаат на дишните патишта, навлажнувајќи ги.
Медот пак е природен антибиотик, кој се бори бактериите, вирусите и микроорганизмите. Комбинацијата од двата производа е исклучително корисна и ефикасна против кашлица.
Како да си направите сируп за кашлица со кромид и мед?
Излупете една глава кромид (може бел, може и црвен) и исечете ја на големо. Врз него истурете мед, колку да го покриете. Покријте го садот со капак или завиткајте со пластична кујнска фолија. Оставете да отстои во фрижидер преку ноќ.
Наутро исцедете ги настанатите сокови со тоа што темелно ќе го отстраните кромидот. Добро промешајте. Се добива во просек густа смеса. Пијте од неа по една лажица на секои два часа, за да ја ублажите кашлицата.
Забелешка : По желба можете да додадете и сок од лимон, бидејќи тој има докажано антивирусно и антимикробно делување. Лимонот е богат со витамини и има бројни поволности при инфекции на горните и долните дишни патишта.