Оливија Вајлд се породи со нејзиното второ дете.
32-годишната актерка ја објави веста преку инстаграм дека бебето се родило во вторникот. Таа исто така сподели и фотографија од девојчето кое се вика Дејзи Џозефин Судекис.
Ова е нејзиното второ дете, заедно со вереникот Џејсон Судекис.
Двојката веќе имаат еден син Отис Александар, кој има 2 години. Изминатиов април тие најавија дека го очекуваат второто дете.
“Има нешто навистина прекрасно во врска со бременоста. За тоа време се чуствуваш многу поврзан со твоето тело. Се чувствувам многу убаво додека сум во оваа состојба” изјави претходно таа.
Вајлд, на малите екрани последен пат беше видена во серијата “Vinyl”. Таа исто така го сними и филмот “Black Dog, Red Dog ” заедно со Џејмс Франко, кој ќе има премиера во 2017-та година.