Присуството на турски војници во Сирија претставува чин на агресија, на кој властите ќе се спротивстават со сите сили, се вели во соопштението на сириската армија, цитирано од агенциите.
“Присуството на турската армија во Сирија е неприфатливо и е грубо кршење на суверенитетот на Сириската арапска република”, се вели во текстот. “Ние го разгледуваме како агресија и ќе се бориме со него со сите сили”, посочуваат уште од Дамаск. Според властите активизацијата на турските вооружени сили се должи на успесите на сириската армија и нејзините сојузници во борбата против терористичките организации во Алепо. “Валканата улога на турскиот режим во однос на криење, извори и трансфер во Сирија на илјади терористи е позната уште од почетокот на конфликтот”, посочуваат од сириската команда. “Очигледно е дека успесите кои ги постигнува сириската армија заедно со своите сојузници во борбата против терористите, особено во Алепо, ги нарушува плановите на турскиот претседател Таип Ердоган во Сирија и регионот и тоа ја поттикнува ескалација на агресијата во однос на Сиријците”, дополнуваат уште со војската.
На 20 октомври команда на вооружените сили на Сирија предупреди дека “ќе соборува турски авиони во случај да тие влезат во сирискиот воздушен простор”. Претходно денеска Ердоган изјави дека Анкара ќе продолжи со офанзивата против “Исламска држава” во Сирија и е подготвена да учествува во операцијата за ослободување на град Ракот. Според зборовите на Ердоган турските сили ќе продолжат во насока на градот Ал Баб во Северна Сирија. “Треба да одиме, ќе одиме”, рече тој во својот говор од градот Бурса, цитиран од ДПА. На 24 август Анкара ја започна својата операција наречена “Штитот на Еуфрат”, на територијата на Сирија. Нејзината цел е прочистувањето на пограничните со Турција сириски територии од борци на “Исламска држава”.