Дритон Селмани од Косово покажа како секој може да направи спортски автомобил. Во сиромашниот крај во кој живее, наместо автомобил користат коњска запрежна кола па неговото рачно направено „ламбурџини“ е вистинска атракција.

„Секој сака да има скап автомобил, ама … Кога не можев да си дозволам такво возило, затоа што знаев дека е суперлуксузен бренд со висока цена, ми се чинеше логично да рачно направам еден. Мислам дека направивме добра работа, пријателите одлично го прифатија, баш како и роднините, комшиите и познаниците. Добро е“, изјави Дритон Селмани.

Работата траела нешто повеќе од година дена. Користел каросерија и делови од други возила кои му биле на располагање. Валканата работа на крајот се исплатеше.

Резултатот е импресивно возило за кое се врти целиот град и околина. Освен волјата, за изработка на возилото од сништата била потребна и помош од пријателите.

„Јас сум ентузијаст за спортски возила, и мојата работа е да ги поправам возилата. Разговарав со колегите и ги прашав“, – сакаме ли да направиме такво нешто? Ми треба нивната поддршка за да почнам, па тргнавме. Почна како мала авантура, но додека работевме резултатите беа сјајни и така го добив ова“, вели Дритон.

Уникатниот лимен миленик има мотор од 222 коњски сили. Оригинален модел на ваков „ламбурџини“, така да е посебен затоа што е произведен само во 21 примерок. Секој има мотор од 660 коњски сили, а ако некој сака да го купи, мора да издвои милион и шестотини илјади долари.

Видео снимката од овој ламбурџини, можете да ги погледнете ОВДЕ.