Актерката Мерил Стрип, која е добитничка на три Оскари и осум Златни глобуси, оваа година ќе ја добие и наградата “Cecil B. DeMille”.
Оваа награда се доделува за “извонреден животен придонес во светот на забавата и филмската индустрија”.
“Не е изненадување што “HFPA(The Hollywood Foreign Press Assn.)” ја избра Мерил Стрип како добитник на наградата “Cecil B. DeMille” за 2017-та година. Нејзиниот избор на разновидни жанрови во текот на нејзината кариера, ја направи пример, за изминативе 40 години и за идните генерации. Таа отсекогаш имала силни женски улоги, кои создаваат уметност со прикажување на ранливост и прикажување на вистината на големиот екран. Едноставно кажано, таа е пионер, што го пробива патот за жените во телевизијата, филмот и сцената” изјави претседателот на “HFPA”, Лоренцо Сориа.
Настанот за 74-ти награди за Златен глобус ќе се одржи на 8-ми јануари.
Некои од последните приматели на наградата “Cecil B. DeMille” се Дензел Вашингтон, Џорџ Клуни, Вуди Ален, Џоди Фостер, Морган Фримен, Роберт де Ниро, Мартин Скорсезе, Стивен Спилберг и Робин Вилијамс.