Тејлор Свифт беше прогласена од списанието Forbes за најбогатата ѕвезда под 30 години. Оваа примамлива позиција пејачката ја освои откако стана јасно дека за периодот помеѓу 1 јуни 2015 година и 1 јуни 2016 година се здобила со сумата од 170 милиони долари.
Приходите се прво од успешниот нејзин албум “1989”, како и од светската нејзина турнеја. Свифт имаше и неколку промотивни договори, кои исто така придонеле за масивното богатство.
Ѕвездата и поранешна партнерка на актерот Том Хидлстон, беше прогласена претходно овој месец и за највисокоплатената жена во музичкиот бизнис.
Во листата на Forbes ја следат минатогодишните првенци – момците од британско-ирската формација “One Direction” со 110 милиони.
Третото место не е за музичар, туку за фудбалерот Лионел Меси, кој е сопственик на 81,5 милиони.
Петорката ја дополнуваат Адел и Ријана. Првата со 80,5 милиони, а втората со 75 милиони.
Џастин Бибер исто влегува во листата, и тоа како најмладиот изведувач меѓу останатите богаташи. Тој се здобил со 56 милиони долари.
На 12-то место, надвор од првите 10 се наоѓа и највисокоплатената холивудска актерка Џенифер Лоренс. 26-годишната добитничка на “Оскар” се здобила со 46 милиони.
Раперот Дрејк, за кого се зборува дека ѝ се додворува на победничката во рангирањето Тејлор Свифт, е на 17-то место со 38 милиони долари.