Новоизбраниот претседател на САД ќе му предложи на Сенатот за амбасадор во Израел да биде назначен Дејвид Фридман – конгресмен со конзервативни сфаќања и познат поддржувач за населување на Евреи во спорни територии на Западниот Брег на реката Јордан.
Тој нема искуство во дипломатијата, а тревога предизвикаа неговите први зборови дека очекува да работи “од амбасада на САД во израелската вечна престолнина Ерусалим”.
Сите амбасади во земјата, вклучувајќи американската се во главниот град Тел Авив или околу неа, бидејќи Ерусалим односно источните делови се окупирани во 1967 година што е спротивно на меѓународното право.
За многумина Евреи и Израелци Ерусалим е нивната природна престолнина, но и базираната влада во Рамала односно лидерот на Палестинската автономија се надева дека еден ден ќе создаде палестинска држава на Западниот Брег со престолнина во Источен Ерусалим. Повеќето европски и арапски држави ги отфрлаат израелските претензии над целиот град, каде има свети места за Евреи, муслимани и христијани.
Ако Фридман биде одобрен и Трамп ја поддржа промената, тој најверојатно ќе работи од американскиот конзулат во Ерусалим. Идејата била земена во претседателството и на Бил Клинтон и Џорџ Буш, но никогаш не е реализирана.
Друго прашање кое ќе ги налути Палестинците, Арапи и муслимани, е поддршката на изборот на Трамп за населби, населени исклучиво со Евреи во оспоруваните земјишта. Помеѓу 2009 и 2014 годин нивниот број се зголеми за најмалку 23% и се смета дека во окупираните територии на тој начин живеат над 530.000 Израелци.
Премиерот Бенјамин Нетанјаху вети во кампањата на последните избори никогаш нема да дозволи да се појави палестинска држава додека тој е на власт. Владата одобрува подигнување на слични населби и преговорите со Палестинците се замрзнати со години.
Во официјалното соопштение Трамп вели дека “Фридман одамна е мој пријател и доверлив советник. Неговите силни врски со Израел ќе создадат основа за дипломатската мисија и ќе бидат од исклучителна корист за нашата земја, додека се бара зајакнување на односите со сојузниците и се бориме за мир на Блискиот Исток “.
Фридман, кој е адвокат, специјализиран за банкроти и решавање на спорови, најави дека ќе работи неуморно “за јакнење на нераскинлива врска меѓу нашите две земји и развивање каузата на мирот во регионот”.
Од произроелски организации во САД доаѓаат дијаметрално спротивни реакции на номинацијата – според едни, тој ќе биде “најлошиот”, а според други – “најдобар американски амбасадор во Израел”.