Милиони луѓе излегоа на улиците ширум светот за да се приклучат на “сестринските маршеви“ против новиот американски претседател Доналд Трамп.
Главниот протест почна во Вашингтон, каде се очекуваше да пристигнат околу 200.000 луѓе, но бројката достигна над 500.000 луѓе, информира а1он.
-Околу 500.000 се собрани во Вашингтон за да учествуваат на протестниот марш против Доналд Трамп, напиша заменик градоначалникот на Вашингтон, задолжен за безбедноста, Кевин Донахју.
Актерката Америка Ферера на насобраните во Вашингтон им кажа дека Трамп не е Америка, туку тоа се тие што протестираат и кои никаде нема да oдат.
-Денеска маршираме за морачната срж на оваа нација, против која овој нов претседател почна војна. Нашето достоинство, нашиот карактр, нашите права се загрозени и платформата на омраза и делби вчера ја презеде власта, рече Ферера.
Екс кандидатката за претседател, Хилари Клинтон им се заблагодари на Твитер на сите кои се борат и маршираат за сите вредности.