107
Судот на барање на Специјалното јавно обвинителство попладнево го замрзна имотот на сопственикот на „Трансмет“, Сеад Кочан, против кого се води постапка во случајот на СЈО, „Труст“. Информацијата за Телма ја потврдија високи извори од СЈО.
Решението опфаќа замрзнување на сиот движен и недвижен имот на Кочан и на неговите фирми.
Кочан е во бегство откако за него беше донесено решение за притвор откако беше осомничен дека за тендер на ЕЛЕМ во 2011 година доставил фалсификувани документи и на тој начин заедно со „Силекс неметали СТ“ и „Вато“, незаконски наплатиле 17,2 милиони евра. По Кочан е распишана потерница.