Пред официјалното претставување што ќе се случи оваа година, објавени се неколку нови технички детали на шестата генерација на моделот М5 на Бе-Ем-Ве.
Најсилниот модел на Серијата 5 ќе го покренува 4,4-литарски В8 битурбо мотор, кој располага со 600 коњски сили и 700 њутн метри најголем вртлив момент, што е доволно за забрзување од нула до 100 километри на час за 3,5 секунди. За пренос на моќноста има осумстепен автоматски менувач.
Бе-Ем-Ве прв пат М5 ќе го понуди со погон преку двете осовини, но на возачите со еден од трите работни погони ќе им се понуди и можноста целиот вртлив момент да го „праќа” само на задната осовина.
Оптималниот пренос на моќноста на подлогата е на гумите „Мипелин Пилот Спорт 4С“.
Поставен на 20-инчни двобојни алуминиумски бандажи, под кои се гледаат жолтите карбонско-керамички сопирачки, М5 стандардно ќе се испорачува со адаптивни ЛЕД светла, црни каросериски детали (вклучувајќи ја тука и маската за ладилникот) и опциска ТФТ инструментална табла.
Развиен е и мултимедијалниот систем, а „демонстрацијата на моќта” ја покажуваат и четирикратните хромирани завршетоци на издувниот систем.