Како што информира владината прес служба согласно предлогот на дневен ред на четвртата владина седница се итните реформски приоритети, состојби и напредок во процесот на европска интеграција, користење и имплементација на фондовите од ЕУ, статус на реализација на приоритетите на РМ за влез во НАТО и одредени кадровски прашања
Се очекува според пишувањата на повеќе медиуми , на денешната седница да бидат разрешени и директорите на Бирото за јавна безбедност и Управата за безбедност и контраразузнавање, Митко Чавков и Владимир Атанасов.
Во меѓувреме, Владата се подготвува за комплетирање на вториот ешалон, но и за избор на државни секретари и директори на јавни претпријатија. Засега е извесно дека ДУИ во новата влада ќе биде застапена со четири заменички министерски места.
Вицепремиерот Бујар Османи на својот фејсбук профил ги објави замениците министри предложени од ДУИ: Агим Нухиу ќе биде заменик во МВР, Беким Максути во одбрана, Висар Ганиу во образование и Ширете Елези во финансии.
Претходно ДУИ во владиниот кабинет доби четири министерски места и две вицепремиерски. Алијансата за Албанците ја предложи Арта Точи за заменик министер во ресорот надворешни работи, Ремзи Мехмети во Министерството за транспорт и врски и Елми Азири во Министерството за труд и социјална политика.
Во текот на неделава Собранието треба да ги верификува нивните мандати.