Годишна субвенции за кралското семејство – 65 пени од секој Британец.
Распределбата на парите за британската монархија од даноците на поданиците на Нејзиното Височество Елизабета Втора, се зголемиле за 5,4 отсто на годишна основа. А претстојат и колосални активности обновувањето на Бакингемската палата, пренесе Франс прес.
Трошоците на благајната за кралицата се зголемиле за 2,1 милиони фунти во текот на финансиската 2016-2017-та, за да достигнат 41,9 милиони фунти (47,6 милиони евра).
“Во фискалната 2016-2017-а субвенциите за кралското семејство чинеле 65 пени за секој британски државјанин, а тоа е цената на поштенски марки од прва класа. Ако земеме предвид она што го прави кралицата и како таа ја претставува оваа земја, станува збор за одлична вредност- квалитет – цена “, коментира Алан Рид, кој е одговорен за финансиите на кралското семејство.
Вкупно кралското семејство потрошило 56,8 милиони фунти за изминатата финансиска година, додавајќи 14,9 милиони од своите приходи и 900 000 фунти, издвоени пари.
Трошоците се плати на персоналот за одржување на дворците и за финансирање на бројните патувања. Членовите на семејството учествувале во приближно 3.000 јавни настани и направиле 65 патувања во странство во изминатите 12 месеци.
Со цел штедење тие се почесто патуваат во бизнис класа, а не во прва класа, тврди информиран извор.
Во следните месеци треба да започнат активности за реновирање на Бакингемската палата, огромен комплекс со 775 простории, кој е во лоша состојба и поправката најверојатно ќе трае деценија.
Трошоците за обновувањето на дворецот се проценуваат на 369 милиони фунти.
Годишните субвенции, кои треба да ги покријат годишните трошоци на кралицата, одговараат на 15 проценти средствата кои се сопственост на круната, а пак приходите од нив се обезбедени од британскиот трезор, според договорот склучен во 1760 година.
Овој процент е зголемен на 25 отсто во десетте години, кога ќе се кандидира обновувањето на Бакингемската палата, а тоа значи дека субвенциите за кралското семејство ќе се зголемуваат на 76,1 милион фунти идната финансиска година.
За изминатата финансиска 2016-2017-а профитот од наследството на британската круна скокна со 8,1 отсто, за да стигне до 328,8 милиони фунти, што е нов рекорд, објавува АФП.