The Washington Post: Апелациониот суд во Хаг одлучи дека Холандија има делумна одговорност за масакрот во Сребреница

 

Апелациониот суд во Хаг пресуди дека Владата на Холандија има делумна одговорност за смртта на 300 муслимани, убиени од страна на босанските Срби во масакрот во Сребреница во 1995 година, соопшти американскиот весник The Washington Post.

Одлуката ја зацврсти пресудата на Граѓанскиот суд од 2014 година, според која државата е одговорна за смртта на босанските муслимани, кои во јули 1995 година беа предадени од холандски мировници на силите на босанските Срби и потоа – убиени.
Претседавачот судија Гепке Дулек изјави дека со своите постапки холандските војници ги “лиши (муслиманите) од шансата да преживеат”.
Овие 300 мажи се меѓу околу осумте илјади муслимани – мажи и момчиња, убиени од силите на босанските Срби во најлошото масакр во Европа по Втората светска војна.