Анѓушев се повлече од управувачките структури во неговите компании

Вицепремиерот за економски прашања Кочо Анѓушев се тргна од управувачката структура на уште две компании на кои е сопственик, објави порталот еМагазин.

Станува збор за Друштво за производство, трговија и услуги Мали хидро електрани „Летнички извори“ и Друштво за производство, трговија и услуги МХЕ „Горно-Белички извори“.

За нов управител на двете друштва е назначен Никола Гравчев.

Вицепремиерот најави дека за време на неговиот мандат како вицепремиер ќе се тргне од управувачката структура на неговите компании, и ќе назначи нов менаџмент.

Анѓушев се повлече од управувачката структура и на ЕДС „Фероинвест“, а направи и промена на сопственоста во ЕДС.