Во пожар во хотел во одморалиштето Кемер, повредени 14 лица

Најмалку четворица државјани на Русија и десет Турци настрадаа во пожарот, кој денеска избувна во хотел со пет ѕвездички во турското медитеранско одморалиште Кемер, пренесе агенција ТАСС, повикувајќи се на турскиот телевизиски канал „А Хабер“.

Според информациите на „А Хабер“, 14 лица се примени во неколку болници по пожарот, но тие се надвор од животна опасност. На местото на настанот имало голем број пожарникари и тимови на итната медицинска помош. Претходно, телевизија „ХаберТурк”, соопшти дека околу 8 часот избувнал силен пожар во кујната на хотел со пет ѕвездички во Кемер, но не го соопшти името на хотелот.

Пожарникари евакуирале од зградата најмалку 400 лица, при што, некои туристи спасувани од балконите.