Не е изненадување дека по веста за уште еден престолонаследник, почнаа прогнозите за името на бебето. Палатата Кенсингтон официјално ја потврди веста дека војвотката на Кембриџ Кетрин очекува трето дете.
Како и кај претходните нејзината бременост, Кејт Мидлтон боледува од утринското гадење, ете зошто ќе отсуствува од официјални настани.
На прво место меѓу имињата за девоче се рангира Алис, што значи “благороден”, “водач”, “возвишен”. Според некои името е многу соодветно за кралски престолонаследник. Покрај тоа, во кралски род така се нарекувале втората ќерка на кралицата Викторија и мајката на принцот Филип (прабаба на принцот Вилијам).
По Алис доаѓа името Елизабет. Ако се одлучат за него, тоа ќе биде почит кон кралицата. Уште нешто, Елизабет е и второто име на Кејт Мидлтон (Кетрин Елизабет “Кејт” Мидлтон).
На списокот се наоѓаат уште Викторија и Александра, како и името на покојната мајка на принцовите Вилијам и Хари – Дијана. Во август се навршија 20 години од нејзината смрт. Во случај ако принцот Џорџ и принцезата Шарлот имаат братче, претпоставките се за името Џејмс. Така се вика и братот на војвотката. Други типуваат на Алберт, Берт или Хенри, како што се вистинските имиња на принцот Хари (Принц Хенри Чарлс Алберт Дејвид Маунтбатен-Виндзор). Сеуште не е јасно кога е терминот за породување на војвотката.