Зголемувањето на цените на имотот во Велика Британија значи дека еден од секои 76 Британци сега е милионер, во споредба со еден наспроти 84 лица во текот на минатата година. Овој тренд ќе биде неизвесен по Брегзитот. Сепак во моментов, Велика Британија има рекордни 625.000 милионери. Бројот на лица со личен статус од повеќе од 1 милион фунти е зголемен за 44.000 (7.6%) во последните 12 месеци.
Речиси половина (295.000) од милионерите живеат во Лондон и во југоисточниот дел на земјата, каде што цените на недвижностите се повисоки во споредба со остатокот од Велика Британија, пишува Telegraph.
Североистокот е регион со најмалку милионери, со само 12.000 луѓе со седумцифрено конто во државата, се вели во извештајот на Barclays Wealth. Велс и Северна Ирска имаат 12.500 милионери, додека во Шкотска живеат 30.500 милионери.
Секој од регионите во Велика Британија забележа раст на бројот на милионери во споредба со минатата година, со исклучок на Шкотска, каде нема промена, бидејќи цените на недвижностите во земјата беа симнати од падот на цената на нафтата во последните неколку години.
Лондон продолжува да доминира како најпросперитетниот град во Велика Британија. Њукасл и Бирмингем го објавија најголемиот раст на БДП по глава на жител на годишна основа од 4,4% и 4,2%, соодветно.
Растот е далеку над просекот на Велика Британија од 1,8%. Кога станува збор за цените на имот, речиси секој град во земјата предвиде повисок раст во цените на недвижностите од Лондон (+ 3%), а зголемувањето е најголемо во Бирмингем (8%) и Манчестер (7%).