Претседателот на САД, Доналд Трамп го прогласи денешниот ден за Ден на жртвите од комунизмот, по повод 100-годишнината од Октомвриската револуција во Русија.
„Во претходните 100 години, комунистичкиот тоталитарен режим ширум светот уби повеќе од 100 милиони луѓе и изложи уште неброено многу на експлоатација, насилство и невидено уништување. Денес се сеќаваме на сите оние кои умреле и сите кои продолжуваат да страдаат под комунизмот“, соопшти белата куќа, пренесе AFP.
Белата куќа го објави соопштението ден пред претседателот Трамп да ја напушти Јужна Кореа и да замине за Кина, која е комунистичка држава од 1949 година.
Претседателот Трамп моментално се наоѓа на 12 дневна турнеја низ Азија.
Трамп претходно го нарече кинескиот претседател Си Џинпинг пријател, а денеска го пофали, велејќи дека многу помага во решавањето на кризата со Северна Кореја.