По „освојување на Крим од Русија и активностите за поддршка на сепаратистите во Донбас“, западните аналитичари почнаа да се грижат за тоа дека Русија може да го нападне Прибалтикот, пишува американското списание The National Interest во материјалот на Ендрју Радин How NATO Could Accidentally Trigger a War with Русија.
Многумина се загрижени дека руските воени вежби „Западот-2017“ би можеле да прераснат во напад врз балтичките земји.
Земајќи ги ја предвид сегашната ситуација и надворешно-политичките интереси на Русија, Москва нема причини да го напаѓа Прибалтикот, а нејзините приоритети се насочени кон други области, кои треба многу повеќе да го занимаваат Западот.
Единствената причина зошто Москва може да помисли на напад врз Балтикот е тоа што се зголемија силите на НАТО на нејзината граница така што тоа станува закана за Москва.
Затоа САД и НАТО треба да посветат помало внимание на Балтикот и да се фокусираат на разбирање на реалните интереси на Русија, се вели во списанието.
Овие аналитичари, кои предупредија за евентуален напад на Русија на Балтикот, признаа дека таквото сценарио е малку веројатно. Но, тие инсистираат НАТО дополнително да го зголеми своето воено присуство во регионот.
Дури и ако Русија не престане да се обидува да ја преземе контролата врз поранешните советски републики, би можела да ја преземе инвазија за ослабување на НАТО. Ако Русија освои дел од балтичките држави и НАТО не дојде до нивна помош според Атлантскиот договор, Москва може да ја уништи целата Алијанса.
Според аналитичарите, дури и при мала веројатност за таков развој на настаните, последиците би биле толку сериозни што го оправдуваат засилувањето на контингентот. Меѓутоа, овие размислувања несоодветно ги опишуваат руските интереси и идеологијата на надворешната политика.
Според новиот извештај на RAND Corporation, во листата на најважните надворешно-политички интереси на Русија влегува заштитата на земјата и „режимот“ во неа, влијание над поранешните советски републики, со исклучок на „туѓиот“ Прибалтик и позиционирањето како голема држава.
Русија го смета НАТО за закана за нејзината безбедност и влијание во регионот, сепак загриженоста на Москва е првенствено резултат на експанзијата на Алијансата кон истокот: присуството на воена инфраструктура во близина на руските граници, западна поддршка на „обоените револуции“ и забрзување на интеграциите на Грузија и Украина.
Во Москва, сепак не може да не сфатат дека распадот на НАТО ќе има вонредно дестабилизирачки ефект врз ситуацијата и ќе претставува огромна закана за безбедноста на Русија. Без НАТО, европските земји можат да започнат кампања за реорганизација, а Германија дури и може да се обиде да создаде нуклеарно оружје.
Изданието пишува дека САД и НАТО треба да земат предвид недостатокот на интереси кај Русија кон балтичките држави и да се разбере каде се простираат интересите на Москва и каде таа се меша „да ја поткопува западната демократија“. Недостатокот од намерата на Русија да го нападне Балтикот не значи дека НАТО треба да ги повлече своите трупи, е убеден Ендру Радин.
Сојузничките сили кои веќе се распоредени во балтичките држави се доволни да ја убедат Русија да не напаѓа. „Сепак зголемувањето на контингентот на НАТО во регионот може да промени интересите на Русија, особено ако Москва смета дека овие сили претставуваат опасност за владејачкиот режим“ – пишува The National Interest.
Проучувајќи ги во последно време активностите на западните армии, руските аналитичари се загрижени дека распоредените крај границата сили можат да зборуваат за подготовка на „обезглавување или удар“ или „обоена револуција“ во РФ. „Зголемувањето на военото присуство на НАТО во Прибалтикот може да и даде на Русија мотив за инвазија, дури и ако од гледна точка на Западот распоредените сили не претставуваат сериозна закана за руската армија.
Затоа САД и НАТО треба да ги земат предвид овој ризик и сериозно да се однесат кон ставовите на Русија кон имплементирање на нови поделби на Алијансата “ – резимира National Interest.