Амбасадата на САД во Македонија преку нивниот „Твитер“ профил изразија загриженост поради високото ниво на загадување на воздухот во Скопје.
– Загадувањето на воздухот во Скопје беше толку големо што не можеше да се види ни амбасадата. Какви предлозиме имате вие за почист воздух во Македонија?, стои во објавата на Твитер.
#AirPollution in Skopje was so thick today, you could hardly see the embassy! What ideas do you have for cleaner air in #Macedonia? pic.twitter.com/7sFKJRkIm0
— US Embassy Macedonia (@usembassymkd) December 14, 2017
Загадувањето во главниот град во последниве 24 часа е екстремно високо, а Скопје според загаденоста е на првото место во светот, пред Калкута во Индија и Дака во Бангладеш.
Вечерва во Центар беа измерени 454 микгрограми ПМ 10-честички на кубен метар, во Карпош бројката изнесуваше 563, Лисиче 455, Гази Баба 562 и кај Ректоратот беа измерени највисоки 638 микограми на кубен метар.