Околу илјада деца загинале во САД од огнено оружје за пет години

  Во САД 994 деца на возраст под 12 години загинале од огнено оружје, вклучувајќи ја и масовната престрелка на ученици во основното училиште „Санди Хук“ во Конектикат во 2012 година, соопшти телевизијата Ен-Би-Си.

Телевизијата прецизира дека тој број е добиен по анализа и обработка на податоци од многубројни извори, иако не располага со целосни информации за секоја жртва и за околностите околу смртта.

Во резултатите се вклучени и случаи каде што самоубиството е меѓу хипотезите на полицијата, како и повремени убиства на еден од друг.

Трагедијата во „Санди Хук“ се случи во декември 2012 година, кога 20-годишен маж застрела 20 деца на 6-7 годишна возраст и шестмина возрасни во основното училиште.