Осум лица се полесно повредени во три од вкупно 11 сообраќајки регистрирани во текот на вчерашниот ден на подрачјето на СВР Скопје. Во осум сообраќајки е причинета материјална штета.

Од МВР информираат дека вчера сообраќајната полиција открила и санкционирала поголем број прекршоци. Еден возач поминал на црвено светло и двајца пешаци не ја поминале улицата на пешачки премин. Од сообраќај биле исклучени еден возач кој возел под дејство на алкохол и 10 возачи пред да се стекнат со право на управување на моторно возило, како и четири  нерегистрирани возила. Затекнати биле 88 непрописно паркирани возила.

Со помош на  специјалното возило пајак, отстранети се 85 возила.