Ливерпул е еден од најславните клубови во Англија, но не станал шампион од 1990 година. Фановите се жедни за враќање на старата класа и доаѓањето на Јирген Клоп внесе надежи на многумина дека промената е реалност. Сепак, досега, германскиот менаџер не успеа да го донесе трофејот. Клоп рече дека не чувствувал притисок врз себе на оваа тема од страна на сопствениците.
„Никој не врши притисок. Сопствениците не ми велат: „Во следната сезона или си шампион, или си одиш. Аутсајдерите се оние кои велат, како ќе сум бил под напон, ако не освојам трофеи“, прокоментира тренерот пред „Дејли Мејл“.
Тој посочи дека во оваа фаза супериорноста на Манчестер Сити е тешка за надминување поради финансиската моќ на „граѓаните“.
„Ако зборуваме само за парите на Сити, невозможно е да се натпреваруваме. Веќе го рековме тоа: во светот има два клуба кои се во сопственост на цели држави“, објасни тој мислејќи дека зад Сити стои ОАЕ, а зад Пари Сен Жермен – Катар.