32 руски спортисти поднесоа колективна жалба во спортскиот арбитражен суд против одлуката на Меѓународниот олимписки комитет да ги исклучи од Зимските игри во Пјонгчанг.
Меѓу нив се шесткратниот олимписки шампион на кратки патеки Виктор Ан, светските шампиони Сергеј Устугов (ски трчање) и Антон Шипулин (биатлон), Ксенија Столбова (уметничко лизгање), како и поранешните играчи од Националната хокеарска лига Сергеј Плотников, Антон Белов и Валери Ничушкин.
Спортскиот арбитражен суд ќе го разгледа случајот во Пјонгчанг утре, а ако жалбата биде одобрена, руските спортисти може да учествуваат на Олимпијадата.
32-та спортисти исто така поднесоа дела и во граѓанскиот суд во Швајцарија за дискриминација во поглед на нивното државјанство, нарушување на достоинството и на нивните индивидуални права, како и злоупотреба од страна на МОК со својата монополска позиција.