АктуелноГраѓанскиСкопје

Во општина Карпош ќе се гради куќа за лица со посебни потреби над 18 години

од desk4
135 прегледи

Проектот за изградба на куќи за самостојно живеење на лица со попреченост над 18 години денеска беше презентиран пред градоначалникот на Карпош Стефан Богоев и претставници од Здружението за деца со посебни потреби „ДАМА – ЕЛ“ и подружница „Св.Кирил“ – Дневниот центар за деца со посебни средби.

Се работи за 12 куќи кои ќе се изградат во 12 општини. Планирано е една од овие куќи да се изгради и во Карпош. Општина Карпош ќе обезбеди земјиште за изградба на куќата, како и целосна инфраструктура за пристап и функционалност на објектот.

– Општината е сериозно подготвена за целосна имплементација на проектот. На територорија на Карпош веќе има куќа на СОС Детското село. Ова е добра шанса и за зголемување на капацитетите на ваков тип објекти кои нудат подобри услови за живот на лицата без родители или лицата со попреченост, истакнал Богоев на средбата.

Претставниците од Здружението „ДАМА – ЕЛ“ ја нагласиле важноста на овој проект кој е во соработка со Министерството за труд и социјална политика, дипломатските претставништва во Република Македонија, UNICEF и Европската унија.