99
Едно лице е потешко повредено, а едно со полесни повреди во сообраќајка, што се случи вечерва на автопатот Демир Капија-Удово и предизвика прекин на сообраќајот.
Портпаролот на СВР Велес, Верољуб Додевски информира за МИА дека патничко моторно возило се извртело и удрило во товарно возило на делот од патот по демиркаписките тунели.
Потешко повредениот патник е пренесен на скопските клиники.
На терен се полициски екипи и се чека увид од страна на јавен обвинител.
Од АМСМ информираат дека сообраќајот на овој патниот правец е во прекин за сите возила во двата правци.