Гери Невил одговори на Антонио Конте, кој не остана задоволен од критиките на адреса на играта на Челзи против Манчестер Сити и најави дека аналитичарите зборуваат глупости.
Но, поранешниот дефанзивец на Манчестер Јунајтед ги потврди неговите зборови и рече дека повторно го гледал дуелот и неговото мислење не се променило.
„Јас не ги користам епитетите на играта како „разочарувачки“ и „неприфатливи“ лесно. За време на коментарот, молчев 2-3 минути, што не е случај често, и Мартин Тајлер ќе го потврди ова. Но, морав да сфатам што гледам и ако морам да бидам искрен, тоа беше одвратно“, рече Невил.
„Можам да прифатам дека не ја контролираш топката и не напаѓаш често, бидејќи Манчестер Сити ја подава одлично топката. Но, не можам да го поврзам ова со најдобрите тимови во светот. Да, Сити е одличен тим кој игра со голема енергија, но играчите на Челзи едноставно си зедоа слободен ден“, додаде тој.
„Антонио Конте изјави дека зборуваме глупости, но можеби тој повторно ќе треба да го погледне мечот. Кога бил тренер на Јувентус, неговиот тим играл со агресија, одлична организација и амбиција. Сигурен сум дека ќе биде многу разочаран. Можам да гарантирам дека шефовите на Челзи нема да прифатат таква претстава“, рече Невил.