338
Тренерот на Барселона, Ернесто Валверде ги отфрли гласините дека Нејмар може да се врати на бел коњ на стадионот „Камп Ноу“.
Како што е познато, според весникот „Мундо Депортиво“ Бразилецот веќе жали за трансферот во ПСЖ и сака повторно да го облече дресот на „каталонците“.
„Немам поим од каде доаѓаат овие гласини и на што се должат. Да не зборуваме за хипотетички ситуации“, беше одговорот на Валверде.
Според медиумите во Шпанија специјалистот не го сака Нејмар назад во тимот, бидејќи веќе изградил шема без јужноамериканецот и гледа на тимот како на доста избалансиран во сегашната форма.
Освен тоа тренерот е на мислење дека нема како да се потпира целосно на фудбалер кој веќе ги предал клубот и соиграчите.