Шведскиот напаѓач Златан Ибрахимовиќ во типичен стил најави дека ќе пристигне во Лос Анџелес Галакси.
Ексцентричниот 36-годишен напаѓач плати реклама на цела страница во најтиражниот весник во американскиот град – „Лос Анџелес Тајмс“, за да го објави својот трансфер.
Пораката од страната беше кратка и јасна: „Почитувани Лос Анџелес, нема на што“.
Zlatan Ibrahimovic has taken out a full page advert in the @latimes announcing his arrival at LA Galaxy. Classic Zlatan. pic.twitter.com/TeFXM2De7e
— Dale Johnson (@DaleJohnsonESPN) March 23, 2018
Златан Ибрахимовиќ вчера го објави заминувањето од Манчестер Јунајтед.
Ибра дојде кај „црвените ѓаволи“ во текот на летото на 2016-та на слободен трансфер од Пари Сен Жермен.
36-годишниот Швеѓанец забележа 29 гола во 53 натпревари во дресот на „црвените ѓаволи“, а последниот негов дуел беше на „Боксинг деј“ – ремито со Барнли (2: 2).