Азар за Меси: И двајцата сме мали и брзи, но не сум како него

Крилото на Челзи, Еден Азар замоли да не го споредуваат со најголемата ѕвезда на светскиот фудбал, Лионел Меси.

“Не можам да се споредувам со Меси. Тоа е невозможно. Двајцата сме мали и брзи, но јас не можам да постигнуваm гол во секој натпревар“, коментира белгискиот репрезентативец за „А Бола“.

Азар е клучна фигура во составот на Челзи во последните неколку сезони, откако има 87 погодоци и 73 асистенции во 290 официјални натпревари за тимот од Лондон.

Тој е предмет на интерес од страна на Реал Мадрид, додека Меси игра во другиот шпански гигант Барселона, за кој реализирал 542 гола во 626 натпревари.