95
Поместени се оригинални фотографии на повеќе од триесет актери кои работеле од првата сезона на МНТ, далечната 1945/46 година, па сè до почетокот на овој век. Тоа се: Вера Вучкова – Жежељ, Добрила Пуцкова, Добрила Чабриќ – Ивановска, Тома Киров, Кирил Ќортошев, Цветанка Јакимовска, Ратко Гавриловиќ, Драга Арсенска – Велможин, Драги Крстевски, Стојка Цекова, Борис Стефановски, Драги Костовски, Пантелеј Мирковски, Таше Кочовски, Кирил Попов, Вукан Диневски, Чедо Камџијаш, Анче Џамбазова, Димитар Костов, Кирил Андоновски, Душко Костовски, Владимир Светиев, Александар Џуровски, Кирил Псалтиров, Мирче Доневски, Кирил Коруновски, Александар Шехтански и Гоце Влахов.
На трети април, во МНТ, ќе биде отворена изложбата „Моќта на актерот“. Поставката е по повод 73 годишнината од постоењето на Македонски народен театар.
На повеќе од 120 фотографии, велат од МНТ, се гледа трајниот печат што тие го оставија врз историјата на театарот.
Изложбата ќе биде отворена за јавноста во текот на месец април.