Руската амбасада во Лондон побара од Велика Британија што поскоро да достави докази дека кон Јулија Скрипал се постапува во согласност со нејзината слободна волја.
Руската амбасада истовремено и честита на опоравување на Јулија Скрипал, која е пуштена од болница во Британија, каде со татко и беа префрлени на 4 март, откако двајцата беа отруени со нервен агенс.
„И честитаме на опоравувањето. Сепак, ни треба итен доказ дека она што с еправи, се прави по нејзина слободна волја“, наведува амбасадата во соопштението.
Директорката на болницата Кристин Бланшардпотврди дека Скриапл е пуштена од болница, но не прецизира, кога излегла, додека BBC денеска наведува дека тоа се случило доцна синоќа.
Таа напомена дека тоа не е крај на лечењето на Јулија Скрипал.
Директорката вели и дека Сејгеј Скрипал напредува и дека не е во критична состојба.
Според BBC, Јулија е пуштена од болница во понедленик навечер и дека е одведена на безбедна локација.
Лекарите во петокот соопштија дека Јулија и нејзиниот 66-годишен татко се чувствуваат многу подобро, а Јулија минатата недела рече дека и е се подобро и подобро.
РИА Новосто наведе дека Јулија побарала политички азил во Британија
Британија ја обвини Русија за организиран напад на Скрипал со воен нервен гас, додека Москва ги негира наводите.
Сергеј и Јулија Скрипал беа најдени во несвесна состојба на 4 март на клупа пред трговски центар во англискиот град Солзбери, по што со недели закрепнуваа и беа во критична состојба.