Џафери не прецизира кога ќе се објави Законот за јазици во Службен весник

Претседателот на Собранието Талат Џафери денеска посочи дека Законот за употреба на јазиците ќе биде објавен во Службен весник, но не прецизираше кога.

„Не сум оптоварен временски кога ќе го пуштам Законот во Службен весник“, рече Џафери на средба со новинарите.

Според него, Уставот го прекршил претседателот Ѓорге Иванов, кој не го потпиша указот за законот. Џафери тврди дека тој нема да го прекрши Уставот и оти упатувањето на законот за објавување не е кривично дело.