Астронаутот на НАСА, Џозеф Акаба, изјави дека кога одел во вселената при неодамнешното патување до Меѓународната вселенска станица не му било сеедно бидејќи има страв од височини.
– Ако ги погледнете фотографиите ќе видите дека се држам за решетката. Потребно е да направите извесен напор во вселената за да сфатите дека сепак се е во ред и дека нема да паднете, изјави Акаба во вселенскиот центар „Стенсис“ во Мисисипи.
Акаба се врати од Вселенската станица на 28 февруари, но ова е негово прво појавување во јавноста.
Астронаутот, кој помина во вселената над 300 денови во три одделни лета, вели дека овие патувања ќе се комерцијализират и ќе станат достапни за граѓаните.
– Во следните години најверојатно ќе имаме комерцијални летови со астронаути на НАСА и тоа ќе биде првиот голем чекор, истакна Акаба.
Тој наведува дека крајната цел на луѓето е да стигнат на Марс, но претходно мора да ја освојат месечината. Патувањата до Марс би можеле да се реализираат до 2030 година.