Acer претстави три нови компјутерски конфигурации базирани на последната генерација ARM процесори. Трите модели се нарекуваат Nitro 50, Helios 500 и Predator Orion 5000, и ќе бидат главен фокус на Computex (2018), кој ќе се одржи од 5 до 9 јуни.
Официјалната продажба на уредите ќе започне во август, со тоа што Helios 500 ќе биде лаптоп за гејмери, а другите два уреди се десктоп-машини кои се дизајнирани и за игри.
Acer Helios 500 има голем 17,3-инчен дисплеј со 4K резолуција и технологијата Radeon FreeSync. Моќниот лаптоп се напојува од AMD Ryzen 7 2700 процесор од втора генерација, кој е дополнет од AMD Radeon RX Vega видео картичка од 8GB меморија. Системот за ладење вклучува два AeroBlade 3D метални вентилатори, како и пет дополнителни топлински цевки, што се грижат уредот да работи оптимално без да загрева, пренесоа SlashGear. Брзината може да се подесува од PredatorSense апликацијата, а Helios 500 поддржува уште 3D аудио и технологијата Acer TrueHarmony и Waves MaxxAudio. Цената на основната верзија ќе биде 2.199 долари.
Последниот нов модел е десктопот Predator Orion 5000, кој може да се конфигурира со AMD Ryzen 7 2700X процесор и NVIDIA GeForce GTX 1080 графичка картичка. Компанијата тврди дека компјутерот е оптимизиран за игри со виртуелна реалност и е базиран на IceTunnel 2.0 што го оддржува системот ладен дури при максимално оптоварување. Продажбата започнува во септември по цена од 1.499 долари.
Третиот нов модел Nitro 50 има 3TB меморија и NVIDIA GeForce GTX 1060 / AMD Radeon RX 580. Цената – 899 долари.