Во цената на новиот паметен телефон со дисплеј на преклопување на Samsung нема ништо „флексибилно“ – тој може да чини солидни 2.000 долари. Не е тајна дека Samsung работи на ваков тип смартфон. Всушност, не е единствениот производител кој го прави тоа. Но Samsung изгледа вложил многу средства за развој на проектот во последните неколку години и сега се надева да го претстави готовиот производ во 2019 година.
Корејскиот гигант дури покажа функционален концепт зад затворени врати на CES 2018. Уредот се очекува да биде пуштен како Galaxy X и според главниот извршен директор на Samsung, „флексибилноста“ ќе биде нешто повеќе од маркетиншки трик.
Но, колку ќе наплати производителот на паметни телефони за тоа? Па, според извори од индустријата, Galaxy X ќе чини околу 1.850 долари, а деловите за изградба на телефонот ќе бидат пуштени во производство некаде во ноември – токму навреме за промоција во 2019 година.
Со таков предлог не е тешко да се замисли дека Galaxy X ќе биде нешто повеќе од телефон со ограничена серија на прв поглед и ќе привлече претежно вистински хардверски фанови. Се надеваме, со текот на времето, флексибилните OLED дисплеи ќе почнат да стануваат поевтини и ќе бидат достапни за обичниот корисник.