Xiaomi Pocophone F1 е типичен пример за лошо чувана тајна – без разлика дали тоа е намерно или не. Телефонот, кој е повикан да биде лицето на новата марка Росо на Xiaomi, повторно се појави во мрежата, овој пат во сосема веродостојно видео од типот „распакување“, што го покажува моделот во целиот негов вид.
Видеото ни дава увид во уредот, додатоците и целокупната содржина на пакетот. Потоа гледаме и како самиот Pocophone F1 работи. Добиваме поглед и врз новиот Росо MIUI интерфејс, како и врз некои менија од него.
Како параметри имаме пластично куќиште, 5.99-инчен IPS LCD дисплеј и сопствената технологија за скенирање на лице на Xiaomi, вградена во „пресекот“. Позади има двојна камера, како што „заповедаат“ современите традиции на мобилната фотографија. Конфигурацијата е надополнета со 6 GB RAM, 12 MP задна камера и додатна 5 MP, а за селфи има 20 MP камера и 4000 mAh батерија.
Xiaomi Pocophone F1 ќе има премиера на 22 август во Њу Делхи. Телефонот, кој ќе работи со Snapdragon 845, ќе се појави и во Европа, откако ќе стане најевтиниот модел со овој чипсет.