Полицијата во Барселона уби напаѓач вооружен со нож, кој претходно се обидел да ја нападне полициската станица во градот Корнела, пренесе „Раша тудеј“.
Како што соопшти каталонската полиција, напаѓачот се обидел да влезе во полициската станица со цел да изврши напад врз полицајците утрово во 6 часот по локално време.
Напаѓачот бил убиен на самото место на нападот, а во моментот на нападот извикувал „Алах акбар“.
Според информациите, се работи за 29-годишен маж со алжирско потекло, објави „Ла Вангуардија“. Тој бил жител на градот Корнела, со шпански документи.
A man armed with knife has acceded this morning to Cornellà's police station with the aim to attack the Police officers. The aggressor has been shot down. The facts happened a few minuts before 6 a.m.
— Mossos (@mossos) August 20, 2018
Полициската станица останува затворена, а не се пријавени повредени полицајци.
Инцидентот се случува на само три дена по годишнината од двојниот терористички напад во Барселона и Камбрис.