Logitech е најиновативниот производител на компјутерска галантерија во индустријата, кој дефинитивно е најпознат по своите глувци и тастатури. Импресивен квалитет и добри цени се главните причини зошто би сакале да купите производ на компанијата. Logitech MX Vertical е нов предлог кој може да ја промени целосно вашата претстава за дизајнот на современите компјутерски глувци. Компанијата го идентификува MX Vertical како најекономичен производ во овој сегмент досега.
Како што сугерира името, самото тело на глушецот се наоѓа во вертикална, а не во хоризонтална поставеност. Logitech наведува дека овој дизајн значително го намалува оптоварувањето на зглобот за продолжена работа, објави „Енгаџет“. Вертикалната ориентација достигнува до агол од 57 степени, што според компанијата е идентична вредност со позицијата при природно ракување. На овој начин користење на MX Vertical е максимално „природно“ и го отстранува оптоварувањето.
Други водечки предности на MX Vertical е дека го олеснува максимално извршувањето на секојдневните работи како сурфање на веб страници, отворање на документи и управување со мејл преписки. Logitech додаде дека нивната нова понуда е погодна за луѓе и со лева, и со десна рака. Интересното глувче сега може да се нарача директно од веб-страницата на компанијата. Официјалните продажби започнуваат во септември. Цената е 100 долари.